
ነገደ ጎበዜ(ዶ/ር) – ያለ እረፍት የመጨረሻ እረፍት
“……በይ ተዋጊ ብእሬ
ግጠሚ፤አትቺ ተቺ
ተርቢ፤አሽሟጪ ተርቺ
ብቻ
ለእውነት ለፍትህ ሙቺ
አድር ባይ አተላን አጋልጪ
ብቻ
ለእውነት በእውነት ቆመሸ
ለፍትህ ለነፃነት ለህዝብ ብለሸ
ተናገሪ……..”
ተይ ተይ (ነገደ ጎበዜ 1970 ዓ.ም)
ኢትዮጵያ ዘመናትን የተሻገረ ፖለቲካዊ ውጣ ውረድ፣ የነጻነት ጥማት እና የፍትሕ ፍለጋ ታሪክ አላት። በዚህ የትግል ማዕበል ውስጥ ከትውልድ ወደ ትውልድ እየተሸጋገረ የኖረውን የትግል ችቦ ከፍ አድርገው ከያዙት፣ ሕይወታቸውን ለእኩልነትና ለዴሞክራሲ ከሰጡት ግንባር ቀደም ታጋዮች መካከል ዶክተር ነገደ ጎበዜ አንዱና ዋነኛው ነበር። አብዛኛውን የሕይወት ዘመኑን ያለ እረፍት ለፖለቲካ ለውጥ ሲታገልና ለኢትዮጵያውያን ሕዝቦች መብቶች ሲሟገት የኖረው ዶ/ር ነገደ፤ የሰማንያ ሦስት ዓመታት ዕድሜው በአብላጫው ለሕዝብና ለሀገር ነጻነት የተሰጠ እንደነበረ ይታወቃል።
ከወጣትነት ዕድሜው ጀምሮ በአውሮፓ የኢትዮጵያ ተማሪዎች ማህበር (ESUE) ውስጥ ተሳትፏል። ማሕበሩን በመሪነት መርቷል። ታጠቅና ታገል በመባል የሚታወቁትን የማሕበሩ ስመ ጥር መጽሔቶች አዘጋጅ ሆኖ ሰርቷል። ተማሪዎች ስለ አገራቸው እንዲያውቍ፣ እንዲመርራመሩ፣ የፖለቲካ አስተያየታቸውን በዴሞክራሲያዊ ባህልና በሳይንሳዊ ትንተና ላይ የተመሠረተ እንዲሆን አርአያ በመሆን አሳይቷል።
ዶ/ር ነገደ በፈረንሳይ አገር (በኤክስ-ማርሴ ዩኒቨርሲቲ) በስነ ህግ በዶክትሬት ዲግሪ ከተመረቀና በሕገ መንግሥት ጥናት ላይ ምርምሩን ከአጠናቀቀ በኋላ፣ የየካቲት 1966 ዓ.ም. ሕዝባዊ አብዮት በፈነዳበት ወቅት ወደ እናት አገሩ ኢትዮጵያ ተመለሰ። እንደሌሎቹ የቅርብ ጓዶቹ ሁሉ ከግል ዝናና ምቾት ይልቅ ለኢትዮጵያ ሕዝቦች መብት፣ እኩልነትና ፍትህ መታገልን መረጠ።
በነሐሴ ወር 1960 ዓ.ም. የመላ ኢትዮጵያ ሶሻሊስት ንቅናቄ (መኢሶን) በምዕራብ ጀርመን ሃምቡርግ ከተማ በምሥጢር ሲመሠረት ዶ/ር ነገደ ከመሥራች አባሎቹና መሪዎቹ መሃል አንዱ ነበር። ለረጅም አመታትም የንቅናቄው የመጽሔት ቦርድ አባል ሆኖ አገልግሏል። ለድርጅቱ ልሳን ለ”ሰፊው ሕዝብ ድምፅ” በርካታ ጽሁፎችን አበርክቷል። በዚሁ ወቅት በተጓዳኝ፣ የሕዝብ ድርጅት ጊዜያዊ ጽ/ቤት አባልና “የአብዮታዊት ኢትዮጵያ” መጽሔት ዋና አዘጋጅ ሆኖ ሰርቷል።
ከነሐሴ 1969 ዓ.ም. በኋላ ለድርጅታዊ ሥራ በአውሮፓ በነበረበት ወቅት፣ ድርጅቱ ከደርግ ጋር የነበረውን ጊዜያዊ ትብብር ሲያቋርጥ ትግሉን በውጭ አገር ቀጠለ። የመኢሶንን የውጭ ጋዜጦች ( በፈረንሳይኛና በእንግሊዘኛ Ethiopie Nouvelle እና New Ethiopia መጽሔት) ዋና አዘጋጅ በመሆን እንዲሁም በአንዳርጋቸው አሰግድ ይዘጋጅ ለነበረው «ለአዲሲቱ ኢትዮጵያ» የአማርኛ ጋዜጣም ተባባሪ አዘጋጅ በመሆን አገልግሏል። በውጪ ያለው የመኢሶን አካል አመራር አባል በመሆንና የውጪ ግንኙነት ስራዎችን በማኪያሄድ ከፍተኛ አስተዋጽኦ አድርጓል።
ከተማሪ ንቅናቄ ጀምሮ አብረውት ይታገሉ የነበሩ ጓዶቹን እነ ሃይሌ ፊዳ፣ ዳንኤል ታደሰ፣ ዶ/ር ከበደ መንገሻ፣ ፍቅሬ መርዕድ ፣ዶ/ር ንግሥት አዳነ፣ መስፍን ካሱ፣ ዶ/ር ተረፈ ወልደጻዲቅና ዶ/ር ከድር መሃመድን የመሳሰሉ የቅርብ የትግል ጓዶቹን ቢያጣም የትኛዉም ውድቀትና ፈተና የተስፋ መቁረጥ ስሜት አሳድሮበት አያውቅም። ዶ/ር ነገደ እስከ ሕይወቱ ፍጻሜ ድረስ ለኢትዮጵያ ሕዝቦች መብትና ነጻነት የቆመ የጽናት ምልክት ነበር።
ዶ/ር ነገደ በውጭ የኢትዮጵያ ዲሞክራሲያዊ ኃይሎች ቅንጅት እና በሰላም የሽግግር ጉባኤዎች በተደረጉ ተደጋጋሚ ጥረቶች ውስጥ በመሳተፍ የሚወዳት አገሩ ሰላም የሰፈነባት ሰብዓዊና ዴሞክራሲያዊ መብቶች የሚከበሩባት እንድትሆን ከፍተኛ አስተዋጽኦ አድርጓል። በዚህ ወቅት በርካታ የፖሊሲ፣ የጋራ አቋም መግለጫዎችና የጥናት ጽሁፎችን አቅርቧል።
ዶ/ር ነገደ ገና ተማሪ በነበረበት ጊዜ በታጠቅ እና ትግላችን በመሳሰሉ የተማሪዎች ማሕበር መጽሔቶች ውስጥ በተለያዩ የብዕር ስሞች ድንቅ ጥናታዊና የፖለቲካ ትንታኔ ጽሑፎችን ያቀርብ ነበር። ከዚያም በኋላ በተለያዩ ሕጋዊና ህቡዕ መጽሄቶችና ጋዜጦች ላይ ይወጡ የነበሩ ጽሁፎቹ ቃላትን የማቀነባበር፣ ሐሳቡን በግልጽና በትኩረት የማካፈል ድንቅ የብዕር ችሎታውን የሚመሰክሩ ነበሩ። አልፎ አልፎ የፖለቲካ ጉንተላዎችን (ፖለሚክስ)እንደ ቅመም ጣል አድርጎ ጽሁፎቹን የማጣፈጥ ልዩ ዝንባሌ ነበረው። ይህ ስለታም የአጻጻፍ ዘይቤው አንዳንዶቹን ቢያበሳጭም፣ በርካታ አድናቂዎችን አትርፎለታል፡፡
ዶ/ር ነገደ ከአበረከታቸው በርካታ ጥናታዊ ጽሁፎች በተጨማሪ እጅግ ተወዳጅነትና አድናቆት ያተረፉለት:
1ኛ ይድረሰ ለግንቦት ከየካቲት፦ መሬት ላራሹ፣ ዲሞክራሲ፣ አንድነት
2ኛ ህገ መንግስት ምርጫና ዴሞክራሲ በኢትዮጵያ (ከትላንት ወዲያ እስከ ነገ) የተሰኙ መጻሕፍትን ለአንባቢ አቅርቧል።
ከፖለቲካዊ ተሳትፎው ሌላ ፈጣን ግንዛቢያዊ ችሎታና የሰላ አእምሮው ነበረው። ማኅበራዊ ሕይወቱም ድንቅና ማራኪ ነበር፡፡ እጅግ ተግባቢና ተጫዋች በመሆኑ የሚያጋራቸው ባህላዊ ወጎችና ቀልዶች የሚጠገቡ አልነበሩም፡፡ በግጥም ሃሳቡን የመግለጽ ችሎታ ነበረው። በግጥማዊ ስሜት ከተጻፉት ሥራዎቹ መካከል «በይ በይ» የተሰኘው ዝነኛ ግጥሙን መጥቀስ ይቻላል። የዘፈን ፍቅሩ ወደር አልነበረውም። የዘፈን ግጥሞችን ከማስታወስ ባለፈ፤ የግጥም ስንኞችን በአንድ አፍታ የመቋጠር ልዩ ተሰጥኦ ነበረው። ሲያሰኘውም የሚወዳቸውን ዘፈኖች ያንጎራጉራል። የባህላዊ ዘፈኖችን ከመውደዱ የተነሳ፣ ወንድሙ ዶ/ር ዘለዓለም ጎበዜ በሠራለት ክራርና በሰጠው የቅኝት ኖታዎች በአጭር ጊዜ ውስጥ ክራር መጫወት መቻሉ እጅግ የሚያስገርም ነበር።
የአንድ ሰው ብቃት የሚመዘነው በዕድሜው ቁጥር ሳይሆን፣ በሕይወት ዘመኑ ባካበታቸው ቅርሶቹና ባሳለፋቸው መልካም ልምዶቹ ነው። ዶ/ር ነገደ ጎበዜ በፖለቲካ ሕይወቱ ላበረከታቸው አስተዋጽኦዎች፣ ለጽናቱና ለትጋቱ ሁልጊዜም መመኪያና አርአያችን ሆኖ ይኖራል። ትዝታውን እኛ የቀድሞ የትግል ጓዶቹ በሕይወት ዘመናችን ሁሉ እናስታውሰዋለን፣ እንዘክረዋለን።
በዶ/ር ነገደ ጎበዜ ሕልፈት የተሰማንን ጥልቅ ሐዘን እየገለጽን፤ ለትዳር ባለቤቱ ለወ/ሮ ጽጌረዳ ዋለልኝ፣ ለልጆቹ ለጸደይ እና ለስህን፣ እንዲሁም ለእህቶቹ፣ ለወንድሞቹ እና ለተቀሩት የቅርብ ቤተሰቦቹ ሁሉ መጽናናትን እንመኛለን።
የቀድሞው ትግል አጋሮቹ ትውስታ
እንደፀና፣ እንዳዋዛ
በኅዳር 5፣ 2019 ምሽት ያሸለበውን ነገደ ማንነት በጥቂት ቃላት ለመግለፅ የሚቻል አይደለም። ሆኖም፣ ከ50ኛው ዘመን ጀምሮ ያለውን የፖለቲካ ማንነቱን የሚገልፁ ሁለት ቃላት ካሉ ፅናት እና አዋዢ (ሁይመረስ) የሚሉት ቃላት ይሆናሉ።
ነገደ ከወጣትነት እስከሽምግልና ዘመኑ ድረስ ኢኮኖሚያዊና ማኅበራዊ ፍትሕ፣ የሕግ የበላይነት፣ ዲሞክሪሲ እና ዕኩልነት በኢትዮጵያ ምድር እንዲሰፍኑ ፀንቶ እንደታገለ አሸለበ። በዚህ፣ ከግማሽ ክፍለ ዘመን በላይ በዘለቀ የትግል ዘመኑ የደረሱትን ክፉ እና በጎም ሁሉ፣ በማይነጥፈው አዋዢ ጭምር እየተቀበለ ተሻገረ። እኛ የትግል ጓዶቹና ጓደኞቹ፣ በፅናቱ እና በአዋዢ ጥበቡ ሳንመሰጥ፣ ሳንተክዝ እና ሳንዝናና ያለፈ ቀንና ምሽት አልነበረም። አቶ አበራ የማነአብ እና አቶ ያሬድ ኃይለማርያም እንዳሉት፣ ነገደ በውነትም የተኖረ ሕይወትን ኖሮ ያለፈ ታጋይ እና የአደባባይ ምሁር ነው።
አንዳርጋቸው አስግድ
Farewell to a Friend
A full life—marked by nearly seven decades of selfless commitment to political change and social progress in Ethiopia—has come to an end.
Negede’s qualifications and abilities could have opened the way to a promising professional career. Instead, he chose to devote his life to the struggle, setting aside that career and putting his own life—and his family’s—at risk. He escaped execution and imprisonment in Ethiopia only because he was abroad on duty when his MEISON comrades met that fate. His brothers and sisters, who remained in Ethiopia languished in prison for up to seven years.
Setbacks never made him retreat; if anything, they seemed to strengthen his resolve to carry on.
His political biography is well known. His writings are admired by friends and foes alike. His biting polemics made him one of the most vilified MEISON leaders in the eyes of his political opponents.
Although Negede spent decades at the heart of political struggles, he was not a politician in the usual sense. Hundreds of social media tributes since his death have dwelt on his political achievements. But I remember him as a political fighter whose life, part of which I shared, extended far beyond politics. Here, I want to say a few words about Negede the friend.
Those who only knew him in the political arena may have known only a fraction of who he was. Those of us privileged to be his personal friends knew his many talents and the different sides of his character.
What comes to mind first is his wonderful sense of humour, which never left him—not even in the distressing and dangerous situations I experienced with him on several occasions. He could bring humour to even the bitterest and most antagonistic political debates, not only to relaxed conversations over a glass of beer. The demanding, and at times exhausting, struggles that occupied most of his life never diminished his joie de vivre.
He was a repository of Ethiopian proverbs, always finding just the right one for any context or situation. The ease and speed with which he wove them into his stories, adding meaning and weight, were astonishing.
He loved Amharic songs. Drive with him for three hours, and he would sing the whole way without repeating a single verse. He especially loved lyrics that were deliberately ambiguous and double-edged, their layered meanings adding to their beauty and depth.
I continued to visit Negede after his stroke. His body was weakened, but the “Negede spirit” remained strong and alive.
The last time I saw him was in May. This time was different. The end seemed near. We will miss Negede and remember him fondly for the rest of our lives.
I take comfort in knowing that he lived to see most of his literary works collected on a user-friendly website; that he spent the second half of his life with his loving wife, my dear friend Tsigereda; and that he lived to become a father and grandfather.
Dereje Alemayehu (Dr)

